«Փոքրիկ Իշխան» կրթահամալիրը մասնակցեց Yerevan Spring Run 2016 բարեգործական վազքին։
Հիշեցնենք, որ այս նախաձեռնությունը բարեգործական էր և նվիրված էր «Հայ Մայրեր» բարեգործական ՀԿ անդամ 11 ընտանիքների, որոնց հայրերը կանգնած են սահմանին, ծառայում են Հայաստանի Բանակին, և նրանց մանկական ուղեղային կաթվածով հաշմանդամություն ունեցող երեխաներն ունեն անհետաձգելի կարիքներ:
Կրթահամալիրը ներկայացավ ոչ միայն իր մեծ թիմով , այլև որպես բարեգործ վազորդ՝ նվիրաբերելով 50․000դր․։
Մեր մի խումբ աշակերտներ սիրով ու մեծ ոգևորությամբ էին միացել վազքին ՝ գիտակցաբար մոտենալով այսչափ գեղեցիկ ու կարևոր նախաձեռնությանը։
Շնորհակալ ենք բոլոր այն աշակերտներին, ուսուցիչներին, ծնողներին, ովքեր համախմբվեցին այս նախաձեռնության շուրջ ու իրենց մասնակցությունն ունեցան այս տպավորիչ միջոցառմանը։
