«Փոքրիկ Իշխան» կրթահամալիրի աշակերտական խորհրդի կազմը ձևավորվում է յուրաքանչյուր նոր ուսումնական տարվա սկզբին փակ, գաղտնի քվեարկությամբ՝ ընդգրկելով միջին և ավագ դպրոցի աշակերտներին։
Աշակերտական խորհրդի ընտրությունը կատարվում է ժողովրդավարության հիմքով՝ հաշվի առնելով ինչպես աշակերտների ձայնը, այնպես էլ ուսուցիչների։ Ընտրական հանձնախումբը ձևավորվում է յուրաքանչյուր դասարանի խորհրդի կազմում չընդգրկված մեկական սովորողներից:
Ընտրական հանձնախումբն իր առաջին նիստում ընտրում է նախագահ:
Նախագահն ընտրվում է ձայների պարզ մեծամասնությամբ: Քվեարկության ձևը
որոշում է հանձնախումբը:
Ընտրական հանձնախումբը լիազորություններն իրականացնելիս համագործակցում է հաստատության խորհրդի, մանկավարժական, ծնողական խորհուրդների և տնօրինության հետ:
Աշակերտական խորհրդի նպատակն է՝ օգնել աշակերտներին կիսվել իրենց կարծիքներով, հետաքրքրություններով ու մտքերով ուսուցիչների կամ տնօրենի հետ։ Կազմակերպել համադպրոցական միջոցառումներ,իրականացնել տարբեր ծրագրեր և կատարել դպրոցական բարեփոխումներ։
Աշակերտական խորհուրդը ստեղծվում է ժողովրդավարության և ինքնավարության սկզբունքներին համապատասխան հաստատության գործունեության կազմակերպմանը նպաստելու, անմիջականորեն իրենց վերաբերող հարցերի մասին սովորողների կարծիքի ազատ արտահայտումն ապահովելու և սովորողների իրավունքների ու պարտականությունների վերաբերյալ հաստատության կանոնադրության դրույթների պահպանումը վերահսկելու նպատակով:
Աշակերտական խորհուրդը իր մեջ ներառում է հետևյալ հանձնախմբերը․
- Ուսումնադաստիարակչական
- Մշակութային
- Կրթական
- Տեղեկատվական
- Սպորտային
- Իրավական
ՈՒՍՈՒՄՆԱԴԱՍՏԻԱՐԱԿՉԱԿԱՆ հանձնախումբը կարծիք է ներկայացնում հաստատության մանկավարժական խորհրդին՝ հաստատության ներքին կարգապահական կանոնները խախտելու համար սովորողի նկատմամբ կարգապահական տույժեր կիրառելու վերաբերյալ։
ՄՇԱԿՈՒԹԱՅԻՆ հանձնախումբը կազմակերպում է միջոցառումներ, ֆոտո-մրցույթներ, ցուցահանդեսներ, պատմաճանաչողական էքսկուրսիաներ և այլն:
ԿՐԹԱԿԱՆ հանձնախումբը կազմակերպում է դպրոցական օլիմպիադաներ, բանավեճի ակումբ, «ինչ, որտեղ, երբ » ինտելեկտուալ խաղ, Բրեյ ռինգ մրցույթներ և այլն:
ՏԵՂԵԿԱՏՎԱԿԱՆ հանձնախումբը այլ կերպ կարելի է անվանել լրատվական հանձնախումբ: Տալիս է տեղեկատվություն կրթահամալիրում տեղի ունեցող տարբեր միջոցառումների, նորությունների մասին: Յուրաքանչյուր ամիս անդրադառնում կրթահամալիրում սովորող աշակերտներից և ուսուցիչներից մեկին:
ՍՊՈՐՏԱՅԻՆ հանձնախումբը յուրաքանչյուր ամիս կազմակերպում է սպորտային տարբեր առաջնություններ․
- Թենիս
- Ֆուտբոլ
- Վոլեյբոլ և այլն:
ԻՐԱՎԱԿԱՆ հանձնախումբը աշխատանքներ է տանում սովորողների կարգապահության, հաճախումների և ուսումնական առաջընթացի բարելավման ուղղությամբ։ Հանդես է գալիս կրթահամալիրի աշխատանքների բարելավմանն ուղված տարբեր ծրագրեր իրականացնելու առաջարկներով։
